Violence များများ Character ကြမ်းကြမ်းတွေနဲ့ လက်စားချေဇာတ်လမ်းတွဲ My Name

မြန်မာတစ်နိုင်ငံလုံးက ပရိသတ်တွေအားလုံး လိပ်ပြာကြည့်ကြမယ်ဆိုပြီးတော့ ဟိုးလေးတကျော်နာမည်ကြီးခဲ့တဲ့Nevertheless ဇာတ်လမ်းတွဲထဲက မင်းသမီး Han So hee ရဲ့တခြားစိတ်ဝင်စားစရာ ဇာတ်လမ်းတွဲတစ်ခု Netflix ပေါ်မှာရှိပါသေးတယ်။IMDb 7.8 ထိတောင်ရရှိထားပြီး လိပ်ပြာမင်းသမီးလေးဇာတ်ကောင်နဲ့ လုံးဝမတူတဲ့ဇာတ်ကောင်တစ်ခုကိုမြင်ရမှာပါ။Han Soo hee ဟာဒီဇာတ်လမ်းအတွက် အရမ်းချီးကျူးခံခဲ့ရပြီး ဇာတ်ကားရိုက်ကူးဖို့အတွက်လည်း ပြင်ဆင်မှုတွေအများကြီးလုပ်ခဲ့ရတယ်လို့သိရပါတယ်။ဝေဖန်ရေးသမားပေါင်းများစွာဆီက ချီးကျူးမှုတွေအများကြီးရရှိခဲ့တဲ့ ဇာတ်လမ်းတွဲက My Name လို့အမည်ရပါတယ်။

ဇာတ်လမ်းအကျဥ်းကတော့ မွေးနေ့မှာ အဖေသေသွားလို့ သူ့အဖေအတွက် ပြန်ပြီးလက်စားလိုက်ချေတဲ့ကောင်မလေးတစ်ယောက်ရဲ့ဇာတ်လမ်းပါ။လက်စားချေဇာတ်လမ်းတွေထဲမှာ တော်တော်လေးကိုကြမ်းပါတယ်။အကောင်းဆုံးအပိုင်းကတော့ လက်စားချေဇာတ်လမ်းတစ်မျိုးတည်းတင်မဟုတ်ပဲ တခြား Element တွေအများကြီးကိုတွေ့ရတာပါ။ဇာတ်လမ်းကကြည့်သင့်လား မကြည့်သင့်လားဆို Fight Scene တွေနဲ့တင်တော်တော်ကြည့်သင့်နေပါပြီ။Fight Scene တွေကအရမ်း Violance ဖြစ်တဲ့အပြင် သေနတ်သုံးတဲ့ဇာတ်ဝင်ခန်းနည်းပြီး ဓားတွေနဲ့ပဲသမနေကြလို့ ဟိုးအရင် ၉၀ တုန်းကတောင်ကိုရီးယားလူမိုက်ရုပ်ရှင်တွေရဲ့ Vibe ကိုတောင်ပြန်ရစေပါတယ်။အုပ်စုလိုက်ချိန်းရိုက်ကြတဲ့ဇာတ်ဝင်ခန်းတွေ၊Chase Scene တွေ၊သွေးအေးအေးနဲ့လူသတ်တဲ့ဇာတ်ဝင်ခန်းတွေတင်မကပဲBattle Royal ဆန်ဆန် Last man standing သမကြတဲ့ဇာတ်ဝင်ခန်းတစ်ခန်းတောင်ပါပါသေးတယ်။အသုံးပြုတဲ့Fight Technique တွေကလည်း အရမ်းအရမ်းကိုမိုက်ပြီး Stunt ပိုင်းတွေကလည်း ပြောစရာမရှိလောက်အောင်ပြီးပြည့်စုံပါတယ်။

ဇာတ်လမ်းကိုခင်းပြထားတဲ့အပိုင်းမှာ ဆယ်ကျော်သက်ကောင်မလေးတစ်ယောက်ရဲ့ လက်စားချေဇာတ်လမ်းကနေ စုံထောက်ဒရမ်မာတစ်ခုအဖြစ်ချက်ချင်းပြောင်းလဲသွားပုံကိုမြင်ရမှာပါ။လိုအပ်တဲ့ Romance တွေ၊ဒရမ်မာတွေလည်း အထိုက်အလျောက်ပါပြီး စကြည့်လိုက်တာနဲ့ မင်းသမီးလေးကအရမ်းချစ်ဖို့ကောင်းတာရောကြောင့် လက်ထဲကမချချင်ဖြစ်နေမယ့် ဇာတ်လမ်းမျိုးပါ။အကောင်းဆုံးအပိုင်းကတော့ ကိုယ်ကကြည့်နေတဲ့အဆင့်မှာတင်မဟုတ်တော့ပဲ အဓိကဇာတ်ကောင်ကို လိုက်အားပေးနေသလိုမျိုးပါခံစားရစေပြီး ဇာတ်လမ်းတလျှောက်သူ့အဖေကို ဘယ်သူသတ်တာလဲဆိုပြီး လိုက်ခန့်မှန်းမိနေလို့ ဇာတ်ကောင်ထဲမှာပါ မြောနေစေတာပါ။ဒီလူသတ်တာပဲလို့ထင်ပြီးနောက်ပိုင်းလည်း Plot Twist တစ်ခုထပ်ပါလာပြီး တရားခံကနောက်တစ်ယောက်ပြောင်းပြောင်းသွားတတ်ပါတယ်။ခန့်မှန်းရလွယ်တင်ထင်ခဲ့ပေမဲ့ ခန့်မှန်းခိုင်းပြီးတော့ကို နောက်ပုံစံတစ်မျိုးထပ်ပြတာမျိုးပါ။သရုပ်ဆောင်တွေလည်း Chemistry အရမ်းမိတဲ့ My Name ဟာတောင်ကိုရီးယားအမျိုးသမီးလက်စားချေဇာတ်လမ်းကို လုံးဝနောက် Level တစ်ခုဆီပို့ပေးလိုက်တဲ့ဇာတ်လမ်းမျိုးပါ။

ရိုက်ချက်တွေထဲမှာဆိုရင်လည်း တချို့ဇာတ်ဝင်ခန်းတွေမှာ Cinematic Quality ထိပါရိုက်ပြထားပါတယ်။ရုပ်ရှင်မဟုတ်ပဲ ဇာတ်လမ်းတွဲဖြစ်နေတာကြောင့်မလို့လည်း ဇာတ်လမ်းကိုအရမ်းကြီး မ Rush ပဲအဆင့်ဆင့်ပြထားနိုင်လို့ကြည်ရတာပေါ့ပေါ့ပါးပါးရှိပါတယ်။

Violance အရမ်းဖြစ်၊မင်းသမီးပုံစံလေးနဲ့ ဇာတ်ကောင်နဲ့ကလုံးဝမလိုက်ဖက်တာကိုတောင် အရမ်းကောင်းမွန်အောင်လုပ်ပြနိုင်ပြီး တောင်ကိုရီးယားလက်စားချေဇာတ်လမ်းတွေထဲမှာ အရမ်းကောင်းတဲ့ I Saw The Devil လောက်နီးနီးကိုကောင်းတာမလို့ My Name ဟာကြည့်သင့်တဲ့ ကိုရီးယားဒရမ်မာဇာတ်လမ်းတွဲတစ်ခုဖြစ်ပါတယ်။

Image via Netflix