ရည်းစားဟောင်း ပြန်လာနိုင်မလား ဆိုတာ သိနိုင်မယ့် အလွယ်ကူဆုံး အချက် (5) ချက်
ကိုယ့်နဲ့တွဲခဲ့ဖူးတဲ့ ရည်းစားဟောင်းတွေက တစ်နေ့ကျရင် ကိုယ့်ဆီ ပြန်ရောက်လာတတ်ပါတယ်။ ကိုယ့်ကို တန်ဖိုးမထားခဲ့တဲ့သူတွေဟာ တစ်နေ့နေ့မှာ ကျိန်းသေ ကိုယ့်တန်ဖိုးကို သိလာကြပြီး သူတို့ဟာ နောင်တတွေနဲ့အတူ ကိုယ့်ဆီပြန်လာဖို့ ကြိုးစားကြပါလိမ့်မယ်။ ရည်းစားဟောင်းနဲ့ပြန်တွဲတယ်ဆိုတာ က အသစ်တစ်ယောက် ထားတာထက် ပိုပြီးရှုပ်ထွေးလှပါတယ် ။ ဒါကြောင့် ရည်းစားဟောင်းနဲ့ ပြန်တွဲချင်တဲ့အခါ တခြား သူတွေကို တိုင်ပင်တာထက် ကိုယ်တိုင်စဉ်းစားဆုံးဖြတ်တာ ပိုကောင်းပါတယ်။ ဒါကြောင့် ကိုယ်တိုင် ဆုံးဖြတ်ချက် ချနိုင်အောင် ရည်းစားဟောင်း ပြန်လာနိုင်မလား သိနိုင်မယ့် အချက်တွေကို ဖော်ပြပေးလိုက်ပါတယ်။
- ကိုယ့်အကြောင်းတွေကို စုံစမ်းပြီးဆက်သွယ်လာပါ လိမ့်မယ်။
အဲ့လို စုံစမ်းနေတာကိုလည်း တဆင့်စကားတဆင့်ကြားရပါတယ်။ Message ပို့တာဖြစ်ဖြစ်ပြုလုပ်ပါလိမ့်မယ်။ သင်က reply မပြန်ဘူးဆိုရင်တော့ သူ့ဘက်က ဖုန်းခေါ်လာပါလိမ့်မယ်။
- ကိုယ့်ကို ပြန်ဂရုစိုက်လာပါမယ်။
အဆက်အသွယ်ရလာပြီဆိုရင်တော့ ပြန်တွဲဖို့ တန်းပြောမှာမဟုတ်သေးပါဘူး။ ကိုယ့်အကြောင်းတွေ ပြန်စိတ်ဝင်စားလာပါမယ်။ ကိုယ်နဲ့ပတ်သက်ပြီး မေးခွန်းတွေ မေးလာပါမယ်။
- သူ့ရဲ့အဆင်မပြေတာတွေကို ကြုံသလို ပြောပြလာပါမယ်။
ကိုယ်နဲ့အတူရှိခဲ့တုန်းက ပျော်စရာအမှတ်တရတွေ၊ ကိုယ်နဲ့လမ်းခွဲပြီးနောက်ပိုင်း အဆင်မပြေတာတွေကို ပြောလာပါလိမ့်မယ်။ ကြုံကြိုက်တဲ့အခါတိုင်း တောင်းပန်လာပါမယ်။ သူ့လုပ်ခဲ့တဲ့အမှားတွေအပေါ် ခွင့်လွှတ်ပေးဖို့ ပြောလာပါမယ်။
- လက်ရှိ ရည်းစားရှိ၊ မရှိ မေးပါလိမ့်မယ်။
လက်ရှိ ကိုယ့်မှာ ရည်းစားရှိနေပြီဆိုရင် သူငယ်ချင်းအဖြစ်နေဖို့ သူကြိုးစားပါလိမ့်မယ်။ ဒါပေမယ့် လက်ရှိရည်းစားအပေါ် သူလုံးဝ အမြင်ကြည်မှာ မဟုတ်ပါဘူး။ မနာလိုမှုတွေ ရှိနေပါလိမ့်မယ်။
- ချစ်သူတွေဖြစ်ခဲ့တုန်းက အခေါ်အဝေါ်ကို သူပြန်သုံးလာပါတယ်။
ကိုယ့်ကို တန်ဖိုးထားနေကြောင်း သူပြလာပါမယ်။ နေ့တိုင်း သူ့ဘက်က အဆက်အသွယ်လုပ်ပါလိမ့်မယ်။ ရည်းစားဖြစ်ခါစတုန်းကထက်တောင် ပိုပြီး ဂရုစိုက်ပေးပါလိမ့်မယ်။
ဒီအချက်တွေထဲက (၃) ချက်လောက် ကိုက်ညီနေမယ်ဆိုရင်တော့ သူ သင့်ဆီ ပြန်လာဖို့ ကြိုးစားနေတာ သေချာနေ ပါပြီနော်။ နှစ်ဦးသား အကြောင်းအမျိုးမျိုးကြောင့် ရှေ့ဆက်လက်တွဲသွားဖို့ မဖြစ်နိုင်တော့တာမို့ လက်တွဲဖြုတ်ခဲ့ကြပြီး မှ ပြန်တွဲဖို့ ဖြစ်နိုင်လား ၊ မဖြစ်နိုင်ဘူးလားဆိုတာကိုတော့ ကိုယ့်ရဲ့ နှလုံးသားနဲ့ ဦးနှောက်နဲ့ သေချာ စဉ်းစားပြီးမှ ဆုံးဖြတ်ချက်ချသင့်ပါတယ်နော်။
Source : The Queen Momma
Photo Credit : Google.com