ဒူးရင်းသီးနဲ့ တွဲဖက်မစားသင့်တဲ့ အစားအစာ (၅) မျိုး
အခုရာသီက ဒူးရင်းသီး အရမ်းပေါတဲ့ အချိန်အခါကို ရောက်လာပြီဆိုတော့ ဒူးရင်းသီးသရဲလေးတွေအတွက် ဒူးရင်းသီးစားတဲ့အခါ သတိထား သင့်တာလေးတွေရှိပါတယ်။ ဒူးရင်းသီးက အာဟာရဓာတ်တွေ ကြွယ်ဝစွာ ပါရှိတာမှန်ပေမယ့် အလွန်အကျွံစားသုံးတဲ့အခါနဲ့ တွဲဖက်မစားသုံးသင့်တဲ့အစားအစာတွေနဲ့ တွဲဖက် စားသုံး မိမယ်ဆိုရင်တော့ ကျန်းမာရေးအတွက် အန္တရာယ်ရှိနိုင်ပါတယ်။ ကဲ ဘယ်အစားအစာလေးတွေဆိုတာ ကြည့်လိုက်ကြရအောင် ….
- နို့နဲ့ နို့ထွက် ပစ္စည်းများ
သွေးတိုးရောဂါရှိသူတွေအနေနဲ့ ဒူးရင်းသီးစားပြီး နို့ထွက်ပစ္စည်းများ ထပ်မံ စားသုံးခြင်းကို ရှောင်ကြဉ်သင့်ပါတယ်။ အခန့် မသင့်ရင် သေစေနိုင်တဲ့အထိဖြစ်စေနိုင်တာကြောင့် သတိပြု ဆင်ခြင်သင့်ပါတယ်။
- ဂဏန်း
ဒူးရင်းသီးနဲ့ ဂဏန်းတွဲဖက်စားသုံးခြင်းဟာ အပူစာနဲ့ အအေးစာနှစ်ခုကို စားသုံးသလိုဖြစ်တာကြောင့် ဝမ်းဗိုက် မအီမသာဖြစ်ခြင်းနဲ့ ဗိုက်အောင့် ဗိုက်နာတွေကိုဖြစ်စေနိုင်ပါတယ်။
- အမဲသား၊ မှို
အမဲသားတို့ မှိုတို့လို အပူစာတွေနဲ့ ဒူးရင်းသီးကို တွဲဖက်စားသုံးခြင်းဟာ အစာအဆိပ်သင့်စေနိုင်ပြီး အော့အန်ခြင်း ၊ အသက်ရှုကြပ်ခြင်းနဲ့ ဖျားနာခြင်းတို့ကိုဖြစ်စေနိုင်ပါတယ်။
- ကော်ဖီ
ကဖင်းဓာတ်ကြွယ်ဝစွာ ပါဝင်တဲ့ ကော်ဖီနဲ့ ဒူးရင်းသီးတွဲဖက်စားသုံးခြင်းဟာ ရုတ်တရက် နှလုံးရပ်ခြင်း၊ အသက်ရှု ကြပ်ခြင်း နဲ့ ခေါင်းအလွန်အမင်းကိုက်ခဲခြင်း တို့ကိုဖြစ်စေနိုင်ပါတယ်။
- အရက်၊ ဘီယာ၊ ဝိုင်
ဒူးရင်းသီးစားသုံးပြီးတဲ့အခါနဲ့ မစားသုံးခင်မှာ အရက်၊ ဘီယာ၊ ဝိုင်အစရှိတဲ့ အယ်လ်ကိုဟော ပါဝင်တဲ့ အရည်တွေ သောက်သုံးခြင်းကို ရှောင်ကြဉ်သင့်ပါတယ်။ တွဲဖက် စားသုံးမယ်ဆိုရင်တော့ ဦးနှောက် သွေးကြောပြတ်ခြင်း၊ နှလုံး သွေးကြောပေါက်ခြင်းနဲ့ လေဖြတ်နိုင်ခြင်းတို့ကို ဖြစ်စေနိုင်ပါတယ်။
Photo Credit & Source : klnow.com