ခံတွင်းမြိန်စေမယ့် ချဉ်ငံစပ် အသုပ်စုံလေးလုပ်စားကြရအောင်...

ထမင်းချည်းပဲစားနေတာ ရိုးနေပြီဆိုတဲ့ လူတွေရှိလား?... အခုလိုပူပြင်ရာသီမှာ မြန်မာပြည်က လူတော်တော်များများက ခံတွင်းပျက်ကြပါတယ်။ ဒီလိုအချိန်မှာ  ထမင်းဟင်းတွေအစား တစ်ခြား အစားစာလေးတွေကို ပိုပြီးတောင်းတတ်ကြတာ အမှန်ပါပဲနော်... ဆိုတော့ ခံတွင်းပျက်လို ထမင်းမစားချင်တဲ့အခါ ခံတွင်းမြိန်စေမယ့် ဗမာချဉ်ငံစပ် အသုပ်စုံလေးကို လုပ်စားကြည့်ရအောင်နော်...

ပါဝင်ပစ္စည်းများ

_ ခေါက်ဆွဲ၊ ကြာဇံ၊ ပဲပြား၊ တိုဖူး၊ အာလူး၊ ကြက်သွန်နီ၊ သခွားသီး၊ ပဲပင်ပေါက်၊နံနံပင် ၊ဂေါ်ဖီ၊‌ရှောက်ရွက်

_ ကြက်သွန်နီဆီချက်အဖက်၊အရည်၊ မကျည်းချဉ်၊ ပဲမှုန့်၊ ပုစွန်ခြောက်မှုန့်၊ အရသာမှုန့်၊ ငံပြာရည်အနည်းငယ်

ပြုလုပ်ပုံအဆင့်ဆင့်

(၁) မကျည်းသီးများကို ရေနွေးနဲ့ဖောက်ထားပါ။ မကျည်းသီးအချဉ်ဖောက်ထားတဲ့ထဲကို ဆားအနည်းငယ်နဲ့ ထန်းညက်အမဲတစ်ခဲထည့်ထားပါ။(မိနစ် ၂၀ ခန့် လောက်အချည်အရည်ကျလာတဲ့အထိစောင့်ပါ)

(၂) ကြက်သွန်နီများကိုပါးပါးလှီးပြီး ဆီအေးအေးလေးနဲ့ ဆီချက်ချက်ထားပါ။

(၃) တို့ဖူး၊ ကြက်သွန်နီ၊သခွားသီး၊ နံနံပင်၊ ရှောက်ရွက်နဲ့ဂေါ်ဖီတို့ကို ပါးပါးလေးလှီထားပါ၊ ပဲပေါက်ကို လည်းပြုတ်ပြီးသင်ထားပေးပါ။ အာလူးကိုးလည်း ပြုတ်ပြီးနွှာထားပါ။ ပဲပြားကိုလည်းအဆင်သင့်ကျော်ပြီးအတုံးလေးတွေတုံးထားပေးပါ။

(၄) အားလုံးအဆင်သင့်ဖြစ်ရင်တော့ စပြီးသုပ်လို့ရပါပြီနော်...

(၅) ဇလုံးသို့ ဗန်းကြီးကြီးကို ခေါက်ဆွဲ၊ ကြာဇံ၊ နဲ့ အဆင့်သင့်ဖြစ်နေတဲ့ အသီးရွက်အားလုံးကို ထည့်ပါ ၊ အရသာအနေနဲ့ မကျည်းရည် အနည်းငယ်၊ ကြက်သွန်နီဆီချက် အရည် အနည်းငယ်၊  ပဲမှုန့်၊ ပုစွန်ခြောက် ၊ အရသာမှုန့် နဲ့ငံပြာရည် အနည်းငယ်ကို ထည့်ပါ ပြီးရင်တော့ သမအောင် သုပ်နယ်လိုက်ပါနော်...

အရသာအားလုံးအနေတော်ဖြစ်သွားပြီဆိုရင်တော့ အပေါ်ကနေ ဆီချက်လေးဖြူးပြီး စားလို့ရပါပြီနော်...

 

ကဲ... နေပူပူမှာ ခံတွင်းပျက်နေရင် ဒါလေးလုပ်စားကြည့်နော်

Source from Own creation

Photos credit from Google