လူကြားထဲ ထင်းနေအောင် ဘယ်လို အလှပြင်ကြမလဲ

အခုဆို မင်္ဂလာဆောင်ရာသီ ရောက်ရှိလာပြီမို့ ပွဲတက်နေကြရပြီမဟုတ်လား။ ဒါကြောင့် ပျိုမေတို့အတွက် လူကြားထဲမှာ ထင်းပြီး လှပကျော့ရှင်းနေဖို့ သိထားသင့်တဲ့ မိတ်ကပ်လိမ်းနည်းအဆင့် ၁၂ ဆင့်ကို ပြောပြချင်ပါတယ်။

၁။ အသားအရည်နဲ့ နှုတ်ခမ်းသားများ စိုပြည်နေအောင် ထိန်းသိမ်းပါ။

အစကောင်းမှ အနှောင်းသေချာ ဆိုသလို ဒီအဆင့်က အရေးအကြီးဆုံးလို့တောင် ဆိုနိုင်ပါတယ်။ ဘယ်လောက်စျေးကြီးတာတွေ လိမ်းလိမ်း နဂိုရှိမှ နဂိုင်းထွက်မှာမို့ စကွင်းကဲဖို့ မမေ့သင့်ပါနော်။ အထူးသဖြင့် ခုလို ဆောင်းရာသီမှာ အသားမပတ်အောင် အစိုဓာတ်ထိန်းနိုင်မယ့် ခရင်မ်လေးလူးပြီး နှုတ်ခမ်းသားလေးတွေကိုလည်း gloss လေး အရင် ဆိုးပေးပါ။

၂။ Primer ခံပါ။

ပုံမှန် ထသွားထလာဆို ကိစ္စမရှိပေမဲ့ ပွဲတက်ဖို့ဆိုရင်တော့ မိတ်ကပ်သား ကြာကြာခံအောင် foundation မလိမ်းခင် primer လေး ခံပေးသင့်ပါတယ်။

၃။ Foundation အရွေးမှန်ပါစေ။

ကိုယ်လိမ်းနေကျ ကိုယ်နဲ့တည့်တဲ့ foundation ရှိတယ်ဆို အဲဒါလူးပါ။ ပွဲတက်ဖို့အတွက်ကတော့ အချိန်ကြာကြာခံမယ့် lightweight foundation type မျိုးကို ရွေးချယ်ပေးသင့်ပါတယ်။

၄။ Concealer သုံးဖို့ မမေ့ပါနဲ့။

အမည်းစက်နဲ့ အမာရွတ်ကလေးတွေ၊ dark circles တွေကို ဖုံးပေးဖို့ concealer လေး သုံးပါနော်။

၅။ မိတ်ကပ်နေရာမရွေ့အောင် setting powder သုံးပါ။

ဒါလည်း primer လိုပါပဲ။ ထသွားထလာဆိုရင် ဒီလောက်ထိ မလိုပေမဲ့ ပွဲတက်ဖို့ကတော့ မိတ်ကပ်သားလည်း ကြာကြာခံ၊ အဆီပြန်တာကိုလည်း ထိန်းပေးတဲ့ setting powder လေး သုံးပေးရင် ပိုကောင်းပါတယ်။

၆။ မေးရိုးအလှနဲ့ သတ်ချဖို့ bronzer သုံးပါ။

မေးရိုးမြင့်မြင့်လေးနဲ့ ထင်ပေါ်ချင်ရင်တော့ ကိုယ့် အသားအရောင်နဲ့ လိုက်ဖက်မယ့် bronzer လေး သုံးပေးသင့်ပါတယ်။

၇။ ပါးနီဆိုးပါ။

ဒါကတော့ ဘယ်သူမှ မမေ့လောက်မယ့် မိန်းကလေးတိုင်းကြိုက်တဲ့ အဆင့်ပါ။ ပါးနီရဲရဲလေးလား၊ ပန်းနုသွေးလေးလား ဆိုတာတော့ ကိုယ်ဝတ်မယ့် အဝတ်အစားပေါ် မူတည်ပြီး ရွေးချယ်လိုက်ပါ။

၈။ ကြာရှည်ခံမယ့် နှုတ်ခမ်းနီ ဆိုးပါ။

ပွဲတက်ဖို့အတွက်ကတော့ ကြာရှည်ခံမယ့်၊ လွယ်လွယ်ကူကူမပျက်မယ့် matte type နှုတ်ခမ်းနီလေးတွေ ရွေးဖို့ အကြံပေးချင်ပါတယ်။

၉။ မျက်ခုံးမွှေး ရေးရေးဆွဲမယ်။

ကိုယ့်မျက်နှာ၊ ဆံပင်အရောင်နဲ့ လိုက်ဖက်မယ့် ဒီဇိုင်း ကာလာ အနေအထားကို ရွေးချယ်လိုက်ပါတော့။ ရှေ့မှာ အားလုံး လုပ်လာခဲ့ပြီးမှ မျက်လုံူခြယ်ဖို့ မမေ့ပါနဲ့နော်။ ဒါမှ လူကြားထဲ ထင်းပြီး ပေါ်လွင်နေမှာပါ။

၁၀။ Eye shadow ခြယ်မယ်၊ highlight တင်မယ်။

ကိုယ့်ဝတ်စုံနဲ့ လိုက်ဖက်မယ့် အရောင်လေး ခြယ်မလား။ ကပိုကရို မိန်းကလေးဆန်ဆန် ပန်းနုရောင်လေးပဲ ခြယ်မလား။ ကြိုက်ရာရွေးလိုက်ပါ။ ပြီးရင်တော့ glow နေဖို့ highlight လေးတွေ ပါးပေါ်၊ မျက်လုံး အတွင်းထောင့်နဲ့ မျက်ခုံးစပ်နားလေးတွေ တင်လိုက်ပါ။

၁၁။ Eyeliner ဆိုးပြီး မျက်တောင်ကော့ပါ။

ဒါလည်း အရေးကြီးတဲ့ အဆင့်ပါပဲ။ ဆွဲဆောင်မှု ရှိတဲ့ မျက်ဝန်းတစ်စုံရဖို့ eyeliner ပါးပါးလေး ဆိုးပြီး မျက်တောင်ကော့လိုက်ပါ။ ဒါဆိုရင် မိတ်ကပ်လိမ်းလို့ ပြီးပါပြီ။

၁၂။ နောက်ဆုံး အဆင့်ကတော့ မိတ်ကပ်တွေ တစ်နေကုန် ခံအောင် setting spray ဖြန်းတာပါပဲ။ 

ကဲ.... တစ်နေကုန် လိမ့်ချင်တာလိမ့်။ လှနေတော့မှာပါ။